Nid yw aelodau'r staff yn gyfieithwyr nac yn cynnig gwasanaeth cyfieithu, ond maen nhw'n barod i roi pob help i chi ddod o hyd i gyfieithydd a/neu gyfieithydd ar y pryd o blith aelodau'r Gymdeithas.
Mae'r Gymdeithas yn cyflogi dau swyddog amser-llawn i reoli a gweinyddu'r Gymdeithas a threfnu ei rhaglen o weithgareddau.
Teleri Haf
Prif Swyddog
Daw Teleri o Ynys Môn. Wedi graddio ym Mhrifysgol Aberystwyth, bu’n athrawes y Gymraeg am ddeng mlynedd ac yna'n olygydd creadigol gyda gwasg Y Lolfa lle bu hefyd yn gwneud gwaith hyrwyddo a marchnata.
Sioned Eleri
Rheolwr Gweinyddol
Yn wreiddiol o Geredigion, dechreuodd Sioned ei gyrfa yn HTV ddiwedd yr 80au. Ers hynny bu’n gweithio mewn amryw o swyddi o fewn y diwydiant teledu o ymchwilydd i Uwch Gynhyrchydd, gan weithio’n bennaf i gwmnïau Fflic, Boom ac Afanti yng Nghaerdydd. Yn fwyaf diweddar roedd yn gweithio i Tinopolis yn Llanelli ble roedd yn Rheolwr Cynhyrchu ar gyfresi Pawb a’i Farn, Heno a Prynhawn Da.
Bu hefyd yn gweithio am gyfnod i Theatr Genedlaethol Cymru fel Cynhyrchydd dros dro.
Penderfynodd newid trywydd gyrfa ym mis Medi 2024 pan ymunodd a Chymdeithas Cyfieithwyr Cymru.
Ariennir y Gymdeithas yn rhannol gan Lywodraeth Cymru.