Mae’r canolfannau arholi yn Aberystwyth, Caerdydd a Glynllifon, ger Caernarfon.
Cynhelir yr Arholiadau Aelodaeth Testun ar gyfer aelodaeth Gyflawn a Sylfaenol y Gymdeithas ddwywaith y flwyddyn, fel arfer, ym mis Ebrill a mis Hydref.
Ar ddiwrnod yr arholiad cynhelir dau arholiad 2 awr a 5 munud yr un, fel a ganlyn:
PAPUR 1: cyfieithu i'r Gymraeg, a gaiff ei gynnal yn y bore (10:30am)
PAPUR 2: cyfieithu i'r Saesneg, a gaiff ei gynnal yn y prynhawn (1:45pm)
Yn yr arholiadau am Aelodaeth Gyflawn rhaid cyfieithu un darn a phrawfddarllen darn arall. Yn ogystal, rhaid cyfieithu darn yn ystod yr wythnos y cynhelir yr arholiadau ynddi. Bydd y darnau oddeutu 300 gair yr un.
Yn yr arholiadau am Aelodaeth Sylfaenol rhaid cyfieithu dau ddarn o ryw 250 gair yr un.
Gall ymgeisydd ddewis sefyll un arholiad i un iaith yn unig neu sefyll y ddau arholiad.
Arholiadau Aelodaeth Testun 18 Ebrill 2026
Mae'r holl wybodaeth am yr arholiadau hyn i'w chael yn Llawlyfr Arholiadau Aelodaeth Testun. Mae’r llawlyfr hwn yn cynnwys yr atebion i’r rhan fwyaf o gwestiynau ymgeiswyr: cofrestru, diwrnod yr arholiadau ei hun, marcio’r gwaith, cyhoeddi’r canlyniadau, a’r hyn sy’n digwydd wedyn.
Taliadau i aelodau’r Gymdeithas, ac i’r categorïau cyswllt:
£90.00 am sefyll un papur arholiad
£150.00 am sefyll y 2 bapur ar yr un diwrnod
Taliadau i bawb arall:
£105.00 am sefyll un papur
£180.00 am sefyll y 2 bapur ar yr un diwrnod
Nifer cyfyngedig o lefydd felly'r cyntaf i'r felin!
Cynhelir yr arholiadau nesaf ar 18 Ebrill 2026. Bydd y cyfnod cofrestru'n agor ar 26 Ionawr 2026.
Ariennir y Gymdeithas yn rhannol gan Lywodraeth Cymru.